''စစ်ရေးနည်းနဲ့တိုက်ခိုက်ဖြေရှင်းနေတာ အခု ၆၅ နှစ်ကျော်လာပြီ၊ ဘယ်အဖွဲ့မှ ပြုတ်သွားတယ်ဆိုတာ မရှိဘူး''

တစ်နိုင်ငံလုံး အပစ်အခတ် ရပ်စဲရေးဆိုင်ရာ ညှိနှိုင်းရေးအဖွဲ့(NCCT) ခေါင်းဆောင် ဦးနိုင်ဟံသာနှင့် တွေ့ဆုံခြင်း

ဝင်းဇော်နိုင်

အပစ်အခတ်ရပ်စဲရေးတိုင်းရင်းသားစည်းလုံးညီညွတ်ရေး၊ ငြိမ်းချမ်းရေးကိစ္စရပ်များနှင့်ပတ်သက်ပြီး ညီညွတ်သောတိုင်းရင်းသားလူမျိုးများဖက်ဒရယ်ကောင်စီ (UNFC) အထွေထွေ အတွင်းရေးမှူးလည်းဖြစ်၊တစ်နိုင်ငံလုံး အပစ်အခတ် ရပ်စဲရေးဆိုင်ရာ ညှိနှိုင်းရေးအဖွဲ့ (NCCT) ခေါင်းဆောင်ဖြစ်သူ ဦးနိုင်ဟံသာကို venus news weekly  မှမေးမြန်းထားသည်များအား ကောက်နုတ်ဖော်ပြအပ်ပါသည်။

Venusး  နိုင်ငံလုံးဆိုင်ရာအပစ်အခတ် ရပ်စဲရေးအတွက် ဘာတွေကိုအဓိကထား ပြင်ဆင်ထားလဲဆိုတာ သိချင်ပါတယ်။

UNHT :  ပြင်ဆင်ထားတာက လိုင်ဇာမှာ သဘောတူညီထားတဲ့အချက်အလက်တွေကို မြစ်ကြီးနားမှာတွေ့ကြတော့ အန်ကယ်  တို့တင်ပြထားတဲ့ စာတမ်းက အချက် အလက်တွေက  ခေါင်းစဉ်လောက်ပဲ  ရှိ တယ်။ အချက်အလက်အပြည့်အစုံမဟုတ် သေးဘူး။ အဲဒါတွေကိုပြန်လည်ဖြည့်စွက် ရေးတယ်။ အချို့အချက်လေးတွေကို နည်း နည်းလေးပြင်ဆင်ရေးသားတာပေါ့။ အဲဒါတွေ လုပ်ထားပါတယ်။

Venusး   အစိုးရကအပစ်အခတ်ရပ်စဲ  ရေးလုပ်ချင်တယ် ပြောတယ်ခင်ဗျ။ယခု အစိုးရငြိမ်းချမ်းရေးဖော်ဆောင်ရေးလုပ်ငန်း ကော်မတီက လုပ်ဆောင်နေတာတွေအပေါ် အားရကျေနပ်မှုရှိရဲ့လား။

UNHT :   အန်ကယ်တို့လည်းအခက်အခဲ ရှိတယ်ဗျ။ ဒီကိစ္စနဲ့ပတ်သက်ပြီးတော့ပေါ့ လေ။ ဘာကြောင့်လဲဆိုတော့ အန်ကယ်တို့လိုင်ဇာမှာ အစည်းအဝေးမလုပ်သေးခင် သုံးလေးရက်လောက်မှာ ဏြဃ ကနေပြီး တော့မှ တစ်ပြည်လုံးအပစ်အခတ်ရပ်စဲရေးအတွက် အဆိုပြုလွှာတစ်စောင်ရောက်လာ တယ်ဗျ။ အဲဒီအပေါ်မှာ အခြေခံပြီးတော့  လိုင်ဇာအစည်းအဝေးမှာသုံးသပ်ကြတယ်။ အဲဒီအပေါ်မှာ
အခြေခံပြီးတော့လည်းစဉ်း စားတာပေါ့ဗျာ။ ဒါပေမယ့် မြစ်ကြီးနား အစည်းအဝေးကြတော့ အရင်က အဆိုပြု ထားတဲ့ဟာကိုလုံးဝပယ်ပြီးတော့ အဆို ပြုချက်အသစ်ကို တင်လာတယ်ဗျ။ အဲဒီ အဆိုပြုချက်ထဲမှာတော့ တချို့အချက်အလက်တွေက အန်ကယ်တို့နဲ့မကိုက်ညီ တဲ့ ဟာတွေရဲ့ တော်တော်ပါလာတယ်ဗျ။ အဲဒါတွေက ဘယ်လိုဟာမျိုးလဲဆိုတော့အန်ကယ်တို့ရဲ့ အစိုးရပိုင်းနဲ့ပေါ့ဗျာ။ ပြည် နယ်အဆင့်မှာကော၊ ပြည်ထောင်စုအဆင့် မှာကောအပစ်အခတ်ရပ်စဲရေးလုပ်တုန်းက ပေါ့ဗျာ။ မပါတဲ့အချက်တွေတော်တော်များ များက အဲဒီမှာပါလာတယ်ဗျ။အဲဒီအချက် တွေကလည်း အန်ကယ်တို့လက်မခံနိုင်တဲ့ အချက်တွေ၊ အရင်ကလည်း အန်ကယ်တို့ ဦးအောင်မင်းတို့နဲ့တွေ့တုန်းကအဲဒီအချက်တွေကိုမေးတော့ ဒါဟာတပ်ပိုင်းကတချို့ပဲ တင်လာတာပါ။ ဒါကတော့ တစ်ပြည်လုံး အစိုးရရဲ့ သဘောထားမဟုတ်ဘူးဆိုတဲ့သဘောမျိုးပြောခဲ့တယ်ဗျ။ အဲဒီအချက်တွေ ပေါ်မှာတော့ အန်ကယ်တို့ဘက်က လက်ခံ နိုင်ဖို့ အလားအလာမရှိဘူးဗျာ။

Venusး   အန်ကယ်တို့လက်မခံနိုင်တဲ့အချက်အလက်တွေက ဘယ်တွေလဲ ပြော လို့ရမလားခင်ဗျ။

UNHT :   အန်ကယ်တို့လက်မခံနိုင်တဲ့အချက်တွေက ဥပမာ အန်ကယ်တို့ကို လက်နက်လမ်းစဉ်စွန့်ရမယ်။ ဥပဒေဘောင် အတွင်းဝင်ရမယ်ဆိုတဲ့ဝေါဟာရတွေနော်။ ဒါက ဝေါဟာရပိုင်းပေါ့ဗျာ။ နောက်တစ်ခု ကတော့ အချက်အလက်ပိုင်းနဲ့ပတ်သက်ရင် အပစ်အခက်ရပ်စဲရေးလုပ်ပြီးရင် အန် ကယ်တို့ တော်လှန်ရေးခွင်တွေမှာပေါ့ဗျာ။ အဲဒီမှာဒေသလုံခြုံရေးအတွက်အစိုးရဘက်က ရဲတွေဝင်ပြီးတော့ တာဝန်ယူမယ်ဆိုတဲ့ အပိုင်းတွေ ဒါတွေလည်းပါတယ်။ နောက် ဘာအရေးကြီးတဲ့အချက်တွေရှိသေးလဲဆို တော့ ဒီအပစ်အခတ်ရပ်စဲရေးလုပ်ပြီးရင် အန်ကယ်တို့ကို စခန်းသစ်တွေ မဆောက် ရဘူး။ တပ်သားသစ်တွေမစုဆောင်းရဘူး။လက်နက်ခဲယမ်းတွေ သယ်ပို့ခြင်း၊ ရောင်း ဝယ်ခြင်း မလုပ်ရဘူးဆိုတဲ့ဟာတွေလည်း ပြောလာတယ်။နောက်တစ်ခုကတော့ အန်ကယ်တို့ရဲ့လူစာရင်း၊ လက်နက်စာရင်း တွေပေးရမယ်ဆိုတဲ့ဟာတွေ၊ နောက်တစ်ခုကတော့ အန်ကယ်တို့ကို လူထုတွေဆီ ကနေအကောက်အခွန်အထောက်အပံ့တွေ မယူရ ဆိုတဲ့ဟာမျိုးပေါ့ဗျာ။အဲဒါတွေက အန်ကယ်ဖို့အတွက်ကတော့ လက်ခံနိုင်ဖို့ အလားအလာမရှိဘူးဗျ။ ဒါတွေကို လက်ခံ ရင်သဘောကတော့ လက်နက်ချတဲ့ သဘောလည်း ဖြစ်သွားတယ်။ ဘာမှလုပ် လို့မရတော့ဘူး။ ဥပမာ သစ်ပင်ကိုပြောရ မယ်ဆိုလို့ရှိရင်တော့ ဒါဟာ အခေါက်ခွာ လိုက်တော့ သင်းသတ်လိုက်သလိုသဘော မျိုးဖြစ်သွားတယ်ဗျ။အဲဒါတွေကိုအန်ကယ်တို့ဘက်ကလက်မခံနိုင်တဲ့အချက်တွေပေါ့။

Venusး   ဘားအံတွေမှာပြုလုပ်မယ့်ဆွေးနွေးပွဲမှာ နိုင်ငံလုံးဆိုင်ရာ အပစ်အခတ် ရပ်စဲရေးလက်မှတ်ထိုးဖြစ်လိမ့်မယ်ထင်ပါသလား။

UNHT :   နိုင်ငံလုံးဆိုင်ရာအပစ်အခတ် ရပ်စဲရေးလက်မှတ်ထိုးနိုင်မယ့်အလားအလာ မရှိသေးဘူးလို့ အန်ကယ်တို့မြင်တယ်။ အခုလိုနှစ်ဖက်အမြင်တွေမှာ တော်တော် လေးကို ကွာခြားနေတဲ့ အနေအထားမျိုး မှာပေါ့ဗျာ။

Venusး   အန်ကယ်တို့နဲ့ဒေါ်အောင်ဆန်း စုကြည်နဲ့တွေ့တော့ အစိုးရနဲ့တိုင်းရင်းသား လက်နက်ကိုင်တွေနဲ့ ငြိမ်းချမ်းရေးလုပ်နေတဲ့အပေါ်မှာ ဒေါ်အောင်ဆန်းစုကြည်က ဘာတွေပြောသလဲခင်ဗျ။

UNHT :    တစ်ပြည်လုံးအပစ်အခတ်ရပ်စဲ ပြီးတော့မှကျွန်တော်တို့နိုင်ငံအမြန်အေးချမ်း ပြီးတော့ အမြန်တိုးတက်နိုင်ဖို့ပေါ့ဗျာ။ဒါတွေဆွေးနွေးကြတယ်။သူ့အနေနဲ့လည်း တည်ငြိမ်တိုးတက်ဖို့၊ အေးချမ်းဖို့ ဆန္ဒရှိ တယ်ဆိုတဲ့အကြောင်းပြောပါတယ်။။ ဒီနေရာမှာတော့ ဘယ်အပိုင်းမှာပူးတွဲရမလဲ လက်တွဲလုပ်ဆောင်နိုင်မလဲဆိုတဲ့ဟာတွေညှိနှိုင်းကြတယ်လေ။ ကျွန်တော်တို့က သူ့ ကိုပြောတယ်။ ကျွန်တော်တို့ငြိမ်းချမ်းရေး ကိစ္စအပစ်အခတ်ရပ်စဲရေးဆွေးနွေးတဲ့နေရာမှာ သူ့ကို ပါဝင်ဖို့ အန်ကယ်တို့က ပြော တယ်လေ။ သူကလည်း ပါဝင်ချင်ပါတယ်။  ဖိတ်ကြားရင်တော့လာမှာပါလို့ပြောတယ်ဗျ။ ဖိတ်ကြားလို့ရှိရင်သူလာချင်တဲ့အကြောင်း သဘောထားပေးပါတယ်။

Venusး   ဘားအံဆွေးနွေးပွဲမှာနိုင်ငံလုံး ဆိုင်ရာ အပစ်အခတ်ရပ်စဲရေးလက်မှတ် ထိုးနိုင်ဖို့အတွက် အစိုးရက ဘာတွေလုပ်ဆောင်ပေးသင့်လဲခင်ဗျ။ ပြင်စရာအချက် အလက်တွေ ဘယ်လောက်ရှိမလဲ။

UNHT :    အဲဒါတော့အန်ကယ်တို့လည်း မခန့်မှန်းတတ်ဘူးဗျနော်။  ဒါတွေကတကယ်တွေတဲ့အခါကျမှပဲ သိမှာပါ။

Venusး   နိုင်ငံရေးဆွေးနွေးပွဲကြီးလုပ်ဖို့ဘယ်လောက်ကြာနိုင်မယ်ထင်သလဲ။ အခု က အပစ်အခတ်ရပ်စဲရေးအဆင်မပြေသေး တော့လေ။

UNHT :    အဲဒါလည်း ပြောဖို့တော့ ခက် တယ်ဗျနော်။ အမှန်ကတော့တစ်ပြည်လုံး  အပစ်အခတ်ရပ်စဲရေး၊ ဒါတွေပြီးတော့မှပဲနောက်တစ်ဆင့်တက်ရမယ်ဆိုတော့ဒီအဆင့် မှာတောင် တစ်ဖက်နဲ့တစ်ဖက်ကတော့ အမြင်တွေကွာဝေးနေကြတဲ့အနေအထား မျိုးမှာရှိနေသေးတော့ ဘယ်လောက်ထိ လျော့နိုင်မလဲဆိုတာတော့ နောက်ထပ်တွေ့ တဲ့အခါကျမှပဲသိနိုင်မှာပါ။

Venusး   အန်ကယ်အနေနဲ့ကောဖယ်ဒရယ်ပြည်ထောင်စုဆိုတာကို ဘယ်လိုအဓိပ္ပာယ် ဖွင့်ချင်ပါသလဲခင်ဗျ။

UNHT :    ဖယ်ဒရယ်ပြည်ထောင်စုဆိုတာ ဗဟိုအစိုးရနဲ့ ပြည်နယ်အစိုးရအာဏာခွဲဝေထားတဲ့သဘောပဲ။ ပြည်နယ်တွေစုပေါင်း ပြီးတော့မှ ဗဟိုအစိုးရကို တစ်ပြည်လုံးနဲ့ သက်ဆိုင်တဲ့အာဏာတွေလိုအပ်ထားမယ်။ကျန်တဲ့အာဏာတွေကို ပြည်နယ်ထဲမှာ ထားမယ့်ပြည်နယ်တစ်စုနဲ့တစ်စုကတော့ အားလုံးတန်းတူတဲ့အခွင့်အရေးသဘော မျိုးရှိတယ်။ ပြည်နယ်မှာလည်းသူ့ဖွဲ့စည်းပုံ အခြေခံဥပဒေနဲ့ ကိုယ့်ခေါင်းဆောင်တွေကိုရွေးယူမယ်။ အဲဒီပုံစံမျိုးဖြစ်ရမယ်ဗျ။ သူ့ဆီမှာထွက်တဲ့သယံဇာတွေကိုလည်း သူ ကအထိုက်အလျောက်ပိုင်ဆိုင်ခွင့်ရှိရမယ်ဗျ။

Venusး   အပစ်အခတ်ရပ်စဲရေးပြီးလို့နိုင်ငံ ရေးဆွေးနွေးပွဲရောက်သွားရင် ဖွဲ့စည်းပုံ အခြေခံဥပဒေကိစ္စက ဘယ်လောက်ထိ အရေးကြီးနိုင်သလဲ။

UNHT :   ဒါက အခြေခံအကျဆုံးကိစ္စဖြစ်တယ်ဗျ။ ဆွေးနွေးလို့နားလည်မှုရယူနိုင်ဖို့ ဆိုတဲ့နေရာမှာ၊ အခြေခံဥပဒေအပေါ်မှာ ဘယ်လောက်ထိအာဏာတွေခွဲဝေကြမလဲ။ဘယ်လောက်ပြင်နိုင်မလဲ အဲဒီအပေါ်မှာ အများကြီး မူတည်ပါတယ်။

Venusး   တိုင်းရင်းသားလက်နက်ကိုင်တွေနဲ့ အစိုးရနဲ့ ငြိမ်းချမ်းရေးဖော်ဆောင်မှု များနဲ့ပတ်သက်ပြီး ပြည်သူလူထုကို ဘာ တွေများအသိပေးချင်တာရှိပါသလဲ။

UNHT :   အန်ကယ်တို့ဘက်ကတော့နိုင်ငံ ရေးပြဿနာကို တွေ့ဆုံဆွေးနွေးဖြေရှင်းတဲ့ နည်းနဲ့ပဲ ဖြေရှင်းနိုင်မယ်လို့ လူထုကိုအသိ ပေးချင်တယ်။ စစ်ရေးနည်းနဲ့ပဲ ဖြေရှင်းလာ ခဲ့တာတော့အခု ၆၅ နှစ်ရှိသွားပြီ။အခုထိကမပြေလည်နိုင်ဘူး။ လျော့ကျသွားမယ့် အနေအထားလည်း မရှိဘူး။ အဲဒီစစ်ရေး နည်းနဲ့ပဲ ဖြေရှင်းနေတဲ့အတွက်ကျွန်တော် တို့နိုင်ငံက အခုလိုဆင်းရဲနေရတယ်။ ခေတ် နောက်ကျနေရတယ်။ဒီနေရာမှာသင်ခန်းစာယူပြီးတော့ပေါ့ဗျာ။ အမှန်ကတော့ နိုင်ငံရေး နည်းအရပေါ့ တွေ့ဆုံဆွေးနွေးဖြေရှင်းဖို့လိုတယ်။ အဲလိုတွေ့ဆုံဆွေးနွေးဖြေရှင်းတဲ့ နေရာမှာ အဓိကအားဖြင့်တော့ လူမျိုးတစ် မျိုးနဲ့တစ်မျိုးချစ်ချစ်ခင်ခင်နဲ့အတူနေထိုင်ဖို့ ဆိုတဲ့နေရာမှာလည်း အဓိက အကျဆုံး ကတော့ တန်းတူညီမျှမှုရှိဖို့လိုတယ်ဗျ။လူ မျိုးတစ်မျိုးက တခြားလူမျိုးတွေအပေါ်မှာ ခွစီးထားမယ်၊ ဖိနှိပ်ထားမယ်ဆိုတဲ့သဘော မျိုးဆိုရင်တော့ဘယ်လိုမှမညီညွတ်နိုင်ဘူး။ညီညွတ်မှုမရှိရင် ဘယ်လိုမှ အေးချမ်းမှု မရှိ ဘူး။ အေးချမ်းမှုမရှိရင်မတိုးတက်နိုင်ဘူး။အဲဒီတော့ အဓိကအကျဆုံးက ကျွန်တော် တို့နိုင်ငံမှာ အေးချမ်းတည်ငြိမ်ဖို့ ဒီမိုကရေစီ နှင့်လူ့အခွင့်အရေးတွေအပြည့်အဝရှိဖို့ဆိုတဲ့နေရာမှာ အဓိကအားဖြင့်တော့ တိုင်းရင်း သားစည်းလုံးညီညွတ်ရေးကိုတည်ဆောက် ရမယ်။ အဲလိုတိုင်းရင်းသားစည်းလုံးညီ ညွတ်ရေးကို တည်ဆောက်တဲ့နေရာမှာ ကတော့အဓိကဆွေးနွေးယူရမယ်။ အဓိက ကတော့ တန်းတူရေးနဲ့ကိုယ်ပိုင်ပြဌာန်းခွင့် ရှိတဲ့ စစ်မှန်တဲ့ ဖက်ဒရယ်ပြည်ထောင်စုနဲ့ သွားမှပဲ ခိုင်မာတဲ့ပြည်ထောင်စုလည်းဖြစ်မယ်။ တိုးတက်တည်ငြိမ်အေးချမ်းတဲ့ နိုင်ငံ တစ်ခုဖြစ်လာမယ်။ ဒါကအခြေခံအကျဆုံး ပဲ။ ဒါကိုပြည်သူတွေ နားလည်ပြီးတော့ ပြည်သူတွေပါ တောင်းဆိုတိုက်ပွဲဝင်ဖို့ လို တယ်လို့ ပြည်သူလူထုကိုပြောချင်ပါတယ်။

Venusး   အစိုးရနဲ့တိုင်းရင်းသားလက်နက်ကိုင်တွေနဲ့ အပစ်အခတ်ရပ်စဲရေးအဆင်ပြေ ဖို့အတွက် အန်ကယ်တို့အဖွဲ့အစည်းအနေနဲ့ အစိုးရကိုဘာများပြောချင်ပါသလဲခင်ဗျ။

UNHT :   အစိုးရကိုအန်ကယ်တို့ကြုံတိုင်း လည်း ပြောနေပါတယ်။ ကျွန်တော်တို့နိုင်ငံ ကို စစ်ရေးနည်းနဲ့ တိုက်ခိုက်ဖြေရှင်းနေတာအခု ၆၅ နှစ်ကျော်လာပြီ။ ဘယ်အဖွဲ့မှပြုတ် သွားတယ်ဆိုတာ မရှိဘူးလို့။ ကိုးကန့် တပ်ဖွဲ့ကပြုတ်သွားတာတစ်ခုပဲတွေ့တယ်။ဒါကလည်း ဘာကြောင့် ပြုတ်သွားလဲဆို တော့ သူတို့အတွင်းမှာ ခေါင်းဆောင်ကွဲ သွားတယ်။ တစ်ဖက်အိမ်နီးချင်းနိုင်ငံကလည်း တစ်မျိုး မသမာတဲ့နည်းနဲ့ ကူပေး လိုက်တယ်ဆိုတဲ့ သဘောပေါ့ဗျာ။ အဲလို ခံလိုက်ရတာပါ။အဲဒါနဲ့ပြီးသွားလားဆို တော့ မပြီးနိုင်ဘူးဗျ။ ကျန်တဲ့လူတွေက ဆက်လုပ်နေမှာပဲ။ ကျေနပ်တဲ့အနေအထားမျိုးနဲ့ ဖြေရှင်းခြင်းမဟုတ်ဘဲနဲ့ အနိုင်ယူပြီး တော့ ဖြေရှင်းတဲ့နည်းကတော့ ယာယီပဲ အေးချမ်းမယ်။လူတွေကမကျေနပ်ရင်တော့ဒီလက်နက်တွေကုန်သွားရင် နောက်ထပ် လက်နက်ရှာပြီးတော့ လုပ်ဦးမှာပဲဗျနော်။ ဒီတပ်ဖွဲကတွေပျက်သွားရင်တော့ နောက် ထပ်တပ်ဖွဲ့တွေဖွဲ့ပြီးတော့ တိုက်နေဦးမှာပဲ။ အတူနေတဲ့လူသားအချင်းချင်းဆိုတာတော့တန်းတူမှုနဲ့၊ လွတ်လပ်မှုတွေနဲ့ စုစည်းမှပဲ အေးချမ်းတည်ငြိမ်မယ်၊ ခိုင်မာမယ်၊ တိုး တက်မယ်ဆိုတဲ့ဟာကတော့အဲဒီအပေါ်မှာ မူတည်တယ်။ အဲဒီအပေါ်မှာ စဉ်းစားသုံး သပ်ပြီးတော့ အတူနေတဲ့နိုင်ငံမှာ ကိုယ့်လူမျိုးတစ်မျိုးတည်း အပေါ်စီးကနေပြီး တော့ကျန်တဲ့လူမျိုးတွေကိုခြေဖဝါးအောက် မှာထားရမယ်ဆိုရင်တော့ဘယ်လိုမှမအေး ချမ်းနိုင်ဘူး။ ဒါကလည်း ခေတ်မမီတော့ ဘူးလို့ ဒီအတွေးအခေါ်ကလေ၊ အန်ကယ် ကတော့အဲသလိုပြောချင်တယ်။

Venusး အခုလို ဖြေကြားပေးတဲ့အတွက် ကျေးဇူးတင်ပါတယ်ခင်ဗျ ။